Bakı kəndləri təlimində iştiraka start verilir

“Bakı kəndləri” təlimində iştiraka start verilir.

Bakı şəhərinin və onun qəsəbələrinin sosial-iqtisadi inkişafına dair qəbul edilmiş dövlət proqramlarının icrası nəticəsində Bakının qəsəbə və kəndlərində uğurlu infrastruktur layihələri həyata keçirilmiş, kommunal və sosial xidmətlərin həcmi və keyfiyyəti daha da yaxşılaşmış, abadlıq işləri geniş vüsət almış, əhalinin həyat səviyyəsi daha da yüksəlmişdir. Bu gün başlıca vəzifələrdən biri müvafiq dövlət proqramları çərçivəsində görülmüş işlərin davam etdirilməsindən və şəhərətrafı qəsəbələrin və kəndlərin sakinlərinin həyat səviyyəsinin daha da yaxşılaşdırılmasından ibarətdir.

Müvafiq kəndlərdə turizmin inkişafı yaxşılaşdırılma tədbirlərindən sayıla bilər. Bu səbəbdən, ATBA “Bakı Abadlıq Xidməti” MMC və Dövlət Turizm Agentliyinin Qoruqların İdarəetmə Mərkəzi (QİM) ilə əməkdaşlığı çərçivəsində 7 Bakı kəndində gəzinti marşrutlarının tərtibatı və bu marşrutlar üzrə turizm bələdçilərinin beynəlxalq standartlara uyğun texniki peşə biliklərinin təkmilləşdirilməsi istiqamətində nəzəri/praktiki təlimlər həyata keçirməyi planlaşdırır. Təlimlər 3 tam gün texniki peşə biliklərinin təkmilləşdirilməsindən sonra, Fuad Axundovla (tur rəhbəri) birgə həm Bakı şəhərinin mərkəzində, həm də nümunə kənd kimi Balaxanıda model gəzinti marşrutunun nümayişi ilə müşayət olunacaqdır. Bu iki mərhələ arasında təlim iştirakçılarına, müəyyən kənd ilə bağlı material toplamaları 20 gün ərzində hazırlıq müddəti veriləcəkdir. Daha sonra həmin materiallar da daxil olmaqla, tur rəhbəri tərəfindən seçilmiş kənd üçün tərtib edilmiş gəzinti marşrutu üzrə model tur nümayiş olunacaqdır. Sonda qiymətləndirmədən uğurla keçən namizədlərə, ATBA-nın turizm bələdçisi şəhadətnaməsi təltif ediləcəkdir.

Təlimdə iştirak üçün namizəd üçün üstünlük veriləcək şərtlər:
– Turizm bələdçiliyi sahəsində müəyyən təcrübəyə malik olmaq (bunu təsdiqləyən sənəd varsa əlavə etməyiniz xahiş edirik)
– Əcnəbi dil biliyi arzuolunandır
– Ünsiyyət bacarığının olması
– Bakı şəhərinin kənd və qəsəbələrinin sakini olmaq
– Bakı şəhərinin kənd və qəsəbələri haqqında ixtisaslaşmış biliyə malik olmaq

Təlimdə iştirak etmək istəyən şəxslərdən, ad/familya və əlaqə vasitə detallarına yuxarıda qeyd edilən şərtlərə cavabları qeyd etməklə, mailin mövzu hissəsinə “Bakı kəndləri” yazaraq info@atga.az göndərmələri xahiş olunur.
Son müraciət tarixi: 13 avqust, 2021-ci il!