Xəbərlər
Bakıda əfsanəvi alpinist Denis Urobko ilə görüş keçirildi
Oktyabrın 21-də “Hyatt Regency”-nin konfrans zalında əfsanəvi Denis Urubko ilə görüş keçirildi.
Oktyabrın 21-də “Hyatt Regency”-nin konfrans zalında əfsanəvi Denis Urubko ilə görüş keçirildi. Dövrümüzün məşhur alpinistinin maraqlı çıxışı, ekstremal vəziyyətlərdə çəkilmiş unikal videoqeydləri nümayiş olundu. Bütün bunları yalnız Denisin çıxışları zamanı görmək olar. Təhkiyəçilik istedadı, auditoriya ilə dialoq qurmaq qabiliyyəti, zaldakıların bütünlükdə diqqətini cəmləyə bilmək bacarığı və Denisin şəxsi xarizması axşama qeyri-adi rəng qatdı. Onlarla insan həyatının xilası, unikal məşqlər, təbiətə qayğı, dağlarda prinsipləri və təhlükəsizliyi gözləmək… Zaldakılar qeyri-adi atmosferə düşmüşdülər, bu, oksigen azlığı şəraitində faciənin bütün dramatizmini duymağa, insan orqanizminin iş imkanlarının hüdudlarını görməyə, Denisin çox zaman təklikdə yaşadığı qələbə sevincini hiss etməyə kömək olurdu.
Görüşün təşkilatçısı Azərbaycan Alpinizm Federasiyası idi.
