Xəbərlər
Buta Airways Kazan və Ufaya uçuşları bərpa edir
“Buta Airways” aviaşirkəti Bakıdan Kazan və Ufa şəhərlərinə uçuşları bərpa edir. Hər iki istiqamətdə reyslər həftədə iki dəfə yerinə yetiriləcək.
“Buta Airways” aviaşirkəti Bakıdan Kazan və Ufa şəhərlərinə uçuşları bərpa edir.
Hər iki istiqamətdə reyslər həftədə iki dəfə yerinə yetiriləcək.
Bakı-Kazan-Bakı marşrutu üzrə uçuşlar 16 mart tarixindən başlayacaq və həftənin çərşənbə və şənbə günləri həyata keçiriləcək. Bakı-Ufa-Bakı marşrutu üzrə uçuşlar isə 17 mart tarixindən başlayacaq və həftənin cümə axşamı və bazar günləri həyata keçiriləcək.
Aviaşirkət biletləri yalnız iki tarif üzrə təklif edir – “Standart” və “Super”. Hər iki tarifə ödənişsiz yer seçimi və hava limanında qeydiyyat daxildir.
Həmin reyslərə biletləri “Buta Airways” aviaşirkətinin rəsmi saytından (“Super” və “Standart” tarifləri üzrə), həmçinin aviaşirkətin akkreditə olunmuş agentliklərindən (yalnız “Super” tarifi üzrə) əldə etmək mümkündür.
Aviabiletlərin dəyəri 55 avrodan başlayır.
Pandemiya dövründə qeyd edilən reyslərə həm gediş, həm gəliş zamanı Heydər Əliyev Beynəlxalq Aeroportunun 1-ci Terminalında xidmət göstərilir.
Mənbə: Azər İsmayıl