Xəbərlər
İki dost dünyanın ən uzun pab gəzintisinə çıxıb
İki yaxın dost, pivə içərək Avropanı minlərlə kilometr boyunca gəzib TikTok-da sensasiya yaradıblar.
İki yaxın dost, pivə içərək Avropanı minlərlə kilometr boyunca gəzib TikTok-da sensasiya yaradıblar.
24 yaşlı Harri Bellou və 25 yaşlı Elliot Bleyk gəzdikləri ölkələrdə pivə içməklə etdikləri səyahətə görə TikTok-da milyonlarla baxış toplayıblar.
İyunun 20-də iddialı bir səyahətə başlayan dostlar, 10 ölkədən keçərək 5000 km-ə yaxın məsafə qət etmək niyyətindədir. Hollandiyada başlayan səfəri, İstanbulda sonlandırmağı planlaşdırırlar. Yol boyu onlar mümkün qədər çox pivə içirlər.
Dostlar bunu “Dünyanın ən uzun pab gəzintisi” adlandırırlar, buna görə də bu iki dostun niyə tez bir zamanda İnternet fenomeninə çevrildiyini anlamaq çətin deyil. Onların TikTok hesabı @harrycows, bir milyondan çox bəyənmə və 124.000 izləyiciyə malikdir.
Dostlar səyahətin hər günü üçün yeni post yaradırlar və bu gün səyahətlərinin 53-cü günüdür.
Onlar ianə qəbul edirlər – həmçinin pivə də.