Kilimancaroda kanat yolu: Tanzaniya hökuməti tikinti planını təsdiq edib

Hələ 2019-cu ildə Tanzaniyanın Turizm Nazirliyi Afrikanın ən yüksək zirvəsi olan Kilimancaro dağında (5895 m) turistlərin sayını artırmaq üçün layihələri nəzərdən keçirirdi. Layihələrdən ən perspektivlisi kimi kanat yolunun tikintisi seçilmişdi.

2020-ci ilin dekabrında Tanzaniya hökuməti kanat yolunun tikintisinə icazə verdi.

Və indi, Tanzaniyanın Təbii Sərvətlər və Turizm Nazirinin müavini kanat yolunun tikintisinin tezliklə başlayacağını açıqlayıb.

Layihə ölkənin rekreasiya turizmini canlandırmaq üzrə geniş planının bir hissəsidir.

Tanzaniya Milli Parklar İdarəsinin məlumatına görə, Kilimancaro-ya kanat yolu cənub marşrutu (Machame marşrutu) ilə çəkiləcək. Machame marşrutu, çoxlu ekosistem müxtəlifliyinə, avtomobil yoluna yaxınlığına və dırmaşmanın nisbətən asanlığına görə Afrikanın ən yüksək zirvəsinə qalxmaq üçün populyar marşrutlardan biridir. Tanzaniya hökumətinin məlumatına görə, bu marşrut milli parka gələnlərin yarıdan çoxu tərəfindən seçilir.

Məlumata görə, Kilimancaroya gedən kanat Machame marşrutunun başlanğıc nöqtəsindən (dəniz səviyyəsindən təxminən 2000 metr yüksəklikdə) başlayacaq və dəniz səviyyəsindən təxminən 3700 metr yüksəklikdə sona çatacaq və turistlər buradan təxminən 2000 metr yüksəkliyə qalxmalı olacaqlar.

Tanzaniya hökumətinin məlumatına görə, hər il əraziyə gələn 50.000 turistdən yalnız 35.000-i zirvəyə qalxır.

Kanat yolunun açılması, hökumətin fikrincə, dağın zirvəsində turistlərin sayını 50% artıracaq!