68 yaşlı alpinist qar uçqununda həlak oldu

8 minlik K-2dən kədərli xəbər gəlib.

Məşhur 68 yaşlı şotland alpinist Rick Allen birinci düşərgə ilə ikincinin arasında yaranan qar uçqunu nəticəsində vəfat edib. Rick, dünyanın ən hündür ikinci səkkiz minlik zirvəsinin cənub-şərq üzündə yeni bir marşrut açmağı planlaşdıran komandanın üzvlərindən biri idi. Qar uçqununun 6000 metrə yaxın bir yerdə baş verdiyi bildirilir. Komandanın tərkibinə aşağıdakı alpinistlər daxil idi: Jordi Tosas (İspaniya) və Stefan Keck (Avstriya).

Jordi və Stefan, Pakistan ordusunun helikopterləri tərəfindən 1-ci düşərgədən təxliyə ediliblər. Onlar uçqundan zərər çəkməyib.

Alpinizm aləmində Rick Allen adının o qədər də məşhur olmamasına və mediada çox az görünməsinə baxmayaraq, onun nailiyyətləri olduqca təsir edicidir.