7500-ə yaxın Qazaxıstan sakini hazırda xaricdə istirahətdədir

7,5 minə yaxın qazaxıstanlı hazırda xaricdə istirahətdədir, onlar ölkəyə qayıda biləcəklər.

Burdan Bura Qazaxıstanın “Xəbər 24” telekanalına istinadən xəbər verir ki, 7,5 minə yaxın qazaxıstanlı hazırda xaricdə istirahətdədir, onların hamısı vəziyyətə baxmayaraq ölkəyə qayıda biləcəklər.

Yerli KİV-in məlumatına görə, “Atameken” Milli Sahibkarlar Palatasında xaricdə istirahət edən qazaxıstanlıların sayı açıqlanıb. Vurğulanır ki, “Atameken”ə çoxlu suallar gəlir, onlar əmin edirlər ki, “bütün vətəndaşlar evlərinə qayıda biləcəklər”. Milli Ticarət Palatası dövlət qurumları ilə birlikdə bunun üçün tədbirlər hazırlayır.

Qeyd edək ki, Qazaxıstanda kütləvi etirazlar 2022-ci ilin ilk günlərində başlayıb.