2021-ci ilin ən yaxşı hotelləri açıqlanıb

2021-ci ilin ən yaxşı otelləri bəlli oldu.

Şəhərlər, aviadaşıyıcılar, kruiz şirkətləri və s. arasında ən yaxşıları müəyyən edən, dünyanın əsas səyahət mükafatı olan “World Travel Awards”-ın nəticələrinə yekun vurulub. Sizə müsabiqədə qələbə qazanan otellər haqqında məlumat vermək istəyirik.

Burdan Bura xəbər verir ki, ən yaxşı “Hər Şey Daxil” ailəvi oteli “Beaches Resorts” olub. Apart-otellər arasında “Dubai JA Oasis Beach Tower” qalib seçilib. Eyni anda iki mükafatı (“Dünyanın ən yaxşı ailə və çimərlik kurortu” və “Dünyanın ən yaxşı lüks yaşıl kurortu”) Yunanıstanın Halkidiki yarımadasındakı “Sani Resort” oteli qazanıb.

Ən yaxşı büdcəli otel brendi – “Holiday Inn Express”, ən yaxşı şəhər oteli – Conrad Istanbul Bosphorus, Ən Yaxşı Dizaynlı Otel nominasiyasında isə “Waldorf Astoria Dubai Beynəlxalq Maliyyə Mərkəzi” qalib gəlib.

“Ən yaxşı həyat tərzi oteli” nominasiyasında qalib “Rixos Premium Dubai JBR”, “Ən yaxşı lüks otel” kateqoriyasında isə “Grosvenor House” (Dubay) qazanıb. “Armani Hotel Dubai” həm də dünyanın ən yaxşı otelləri arasında ən yaxşısı oldu.