Adam Ondra ata olmağa hazırlaşır

Dünyanın məşhur və ən məhsuldar alpinisti – çex Adam Ondra sosial şəbəkələrdə ata olacağı barədə əlamətdar xəbər paylaşıb.

“21 dekabr bizim üçün təkcə qış gündönümü günü deyil, həm də sevgimizin ildönümüdür. Düşündük ki, 8-ci ildönümü bu xoş xəbəri elan etmək üçün əla gün olmalıdır. Balaca körpəmiz artıq kifayət qədər aktivdir və may ayında dünyanı görmək üçün səbirsizlənir ” deyə Adam sosial media səhifəsində yazıb.

Xatırladaq ki, Adam Ondra 2021-ci il sentyabrın 1-də 8 ilə yaxın münasibətdə olduğu həmyerlisi, çexiyalı alpinist İva Veymolova ilə ailə həyatı qurub.