Meksika prokurorları iki turistin qətlini araşdırır

Kintana Roo əyalətinin prokuroru Oscar Montes de Oca, Meksikanın Karib dənizi sahilindəki bir otelində iki kanadalı turistin öldürülməsinin cinayətkarlar arasında hesablaşma olduğunu söyləyib.

Meksika hüquq-mühafizə orqanlarının Kanadadakı həmkarlarından aldığı məlumata görə, ölənlərin qanunsuz silah və narkotik ticarəti ilə məşğul olduqları iddia edilir.

Ötən həftə naməlum silahlı şəxs Meksikanın Quintana Roo əyalətindəki Xcaret otelində atəş açaraq, Kanadadan olan bir turisti öldürüb, iki nəfəri yaralayıb. Qurbanlardan biri sonradan vəfat edib. Polis rəisinin sözlərinə görə, atışma otelin qonaqları arasında yaranan mübahisədən sonra olub. Media cinayətkarın cəngəlliyə qaçdığını yazır.

Polis araşdırma zamanı hadisədə iştirak edən iki vətəndaşı saxlayıb. Onlar Mexiko şəhərinin sakinləri və Kanada vətəndaşlarıdır. Qətlin birbaşa sifarişçisi hələ də tapılmayıb.

Ölənlərlə birlikdə gələn və Playa del Karmen ətrafındakı bir oteldə beş otaq tutan bütün Kanada vətəndaşları istintaqa cəlb edilib.