Firuz Dadaşov

Doğum tarixi: 12 may, 1987
Təhsili: Azərbaycan Dövlət Neft və Sənaye Universiteti
Sosial şəbəkə hesabları:
Instagram: @firuz.dadashov
Facebook: Firuz Dadaşov

Firuz Dadaşov 12 may 1987-ci ildə Bakı şəhərində anadan olub. 2007-2011-ci illərdə Azərbaycan Dövlət Neft və Sənaye Universitetinin Mühəndis-proqramçı ixtisası üzrə təhsil alıb. Alpinizm üzrə Mərkəzi Təlimatçı Məktəbi kursunu bitirib, kurs: alpinizm üzrə təlimatçı-metodist.

Alpinizm

2011-2016-cı illərdə Azərbaycan Alpinizm Federasiyasının işlərində fəal iştirak edib. Draytulinq, idman qayayadırmanması üzrə yarışların təşkilində yardımçı, alpinizm hazırlığı üzrə qaya və qar-buz məşğələlərinin təşkili və təlimatçısı olub.

16 illik alpinizm təcrübəsinə malikdir. 2006-cı ildən 2021-ci ilədək planetin müxtəlif dağ sistemlərində 80-ə yaxın ekspedisiyada iştirak edib. 2011-2014-cü illərdə Beynəlxalq Alpinizm Federasiyası (UİAA) tərəfindən keçirilən beynəlxalq yarışlarda buzadırmanma üzrə Dünya kubokunun müxtəlif mərhələlərində və Dünya çempionatlarında iştirak edib ( Fransa, İsveçrə, Rumıniya, Rusiya və Cənubi Koreya).

Ən əhəmiyyətli zirvə yürüşləri

Lenin zirvəsi (7136 m.) – Şimal divarı ilə, Arkin Y. Q. marşrutu ilə-Azərbaycandan ilk dəfə, 2011-ci il;
Korjenevskaya zirvəsi (7105 m.), 2012-ci il;
Kommunizm zirvəsi (7495 m.) – Keçmiş SSRİ-nin ən hündür zirvəsi, 2012-ci il;
Xan Tenqri zirvəsi (7010 m.), 2013-cü il;
Cənubi Uşba zirvəsi (4710 m.) – Azərbaycandan ilk dəfə, 2015-ci il;
Şimali Uşba zirvəsi (4690 m.) – SSRİ dağıldıqdan sonra Azərbaycandan ilk dəfə, 2016-cı il;
Elbrus zirvəsi (5642 m.), qış yürüşü, 2017-ci il;
Dıx-tau zirvəsi (5205 m.), Azərbaycandan ilk dəfə, 2017-ci il.

Titul və mükafatları

Alpinizm üzrə 1-ci dərəcə
Alpinizm üzrə Metodist – Təlimatçı