Arktika dovşanı 388 km məsafə qət edib

Peyk izləməsi inkişaf etdikcə, biz köçəri olmayan canlıların möhtəşəm, uzun mənzilli səyahətləri haqqında daha çox öyrənirik.

İki il əvvəl Şimal Buzlu Okeanının buz qatı ilə, Qütb tülküsü Norveçdən Kanadaya 3500 km məsafəni qət etmişdi. İndi isə adi vaxtda hərəkətsiz olan Arktika dovşanı 49 gün ərzində demək olar ki, 400 km yol qət edib. Bu, indiyə qədər qeydə alınmış ən uzun dovşan səyahətidir.

Ümumilikdə 25 dovşan peyklə izlənilib. Onlardan 20-si 113 ilə 310 km-lik məsafəni keçib.