Azərbaycan turizm nümayəndələri Türkiyədə görüş keçiriblər

Dövlət Turizm Agentliyi və Azərbaycan Turizm Bürosunun nümayəndə heyəti Türkiyə Səyahət Agentlikləri Birliyinin (TÜRSAB) İdarə Heyətinin sədri Firuz Bağlıkaya və Birliyin qrup rəhbərləri ilə görüş keçirib.

Görüş zamanı iki ölkə arasında turizm əlaqələri, təcrübə mübadiləsi məsələləri və yeni inkişaf perspektivləri müzakirə olunub.

Görüşdə pandemiya və postpandemiya dövründə birgə fəaliyyət, hər iki ölkədə keçirilən turizm tədbirlərində qarşılıqlı iştirak və digər məsələlər barədə fikir mübadiləsi aparılıb.