Baba Ağayev

Doğum tarixi: 31 oktyabr, 1989
Sosial şəbəkə hesabları:
Instagram: @baba.aghayev
Facebook: Baba.Aghayev

Baba Ağayev qitələri “Burdan Bura” edən səyyah, həvəskar alpinist və sahibkardır.

2022-ci il etibarı ilə 5 qitədə 68 ölkəni kəşf edib. Avropa, Afrika, Avstraliya və Cənubi Amerika qitə və materiklərinin ən hündür zirvə və vulkanlarında Azərbaycan bayrağını dalğalandırıb. Qlobal “7 Zirvə” və “7 Vulkan” proqramlarını tamamlamağı planlayır.

Kilimancaro, Elbrus, Dəmavənd, Kostyuşka, Akonkaqua, La Malinçe, Orisaba, Babadağ zirvələrində olmuşdur. “7 Zirvə” listindən sonuncu zirvəsi 2020-ci ildə ümumi Amerika qitəsinin ən hündür nöqtəsi olan Argentinada yerləşən Akonkaqua (6961 m) olub. “7 Vulkan” listindən isə sonuncu zirvəsi 2020-ci ildə Şimali Amerikanın ən hündür vulkanı, Meksikada yerləşən Orisaba (5636 m) olub. Hobbi olaraq Numizmatik və Bonistikdir.

Turizm sferası üzrə Pickvisa.com, Vizam.az, Postkarto və Backpack.az startaplarının Təsisçisidir. Azərbaycan Turizm Blogerləri Assosiasiyasının İdarə Heyətinin üzvüdür.