Boulderinq üzrə “Zəfər kuboku” keçiriləcək

7 – 8 noyabr “Climbaku” zalında “Zəfər Günü”nə həsr olunmuş və artıq ənənəyə çevrilmiş boulderinq üzrə “Zəfər kuboku” adlı açıq birincilik keçiriləcək.

Yarış trasslarını quran – qayayadırmanma üzrə idman ustası, boulderinq trasslarının qurulmasında uzun illər təcrübəsi olan və bir çox idmançılarımız arasında tanınmış Sergey Şemulinkin olacaq. 16+ yaş kateqoriyasında olan hər kəs yarışa qatıla bilər.

Yarış iki mərhələdən ibarətdir:

7 noyabr – açılış, kvalifikasiya.
8 noyabr – final, qaliblərin mükafatlandırılması.

Yarışda iştirak ödənişsizdir, link vasitəsi ilə onlayn qeydiyyatdan keçmək olar. Bütün marağı olanlar medallar, kuboklar və pul mükafatları uğrunda mübarizəyə qatılmağa dəvət edilir.

7 noyabr tarixindəki tədbirin cədvəli:

9:00-10:30 – iştrakçıların qeydiyyatı
10:30 – açılış
11:00 – birinci iştrakçının startı