Xəbərlər
Çin mart ayından Azərbaycana uçuşları bərpa edəcək

Çin mart ayından Azərbaycanla birbaşa uçuşları bərpa edəcək.
Bu ölkənin Azərbaycandakı səfirliyindən “Trend”ə verilən məlumata görə, “China Southern Airlines” şirkəti Çinin Quançjou şəhəri ilə Bakı (Urumçi vasitəsilə) arasında gediş-gəlişin mart ayında rəsmi olaraq bərpa olunacağını bildirib.
Martın 13 və 20-də bir reys (CZ8051/2) həyata keçiriləcək və 26 martdan etibarən həftədə iki reysin (CZ6023/4, çərşənbə/bazar) bərpası planlaşdırılır.
“Son üç ildə koronavirus epidemiyasının təsiri ilə əlaqədar Çin və Azərbaycan arasında uçuşlar azaldılıb, müntəzəm birbaşa uçuşlar müvəqqəti olaraq dayandırılmışdı. 2023-cü ilin əvvəlində Çin yeni növ koronavirus (COVID-19) epidemiyasının qarşısının alınmasında və ona qarşı mübarizədə böyük və qətiyyətli qələbə qazandığından, xarici əməkdaşlığı həyata keçirmək və xarici əlaqələri bərpa etmək, Azərbaycan da daxil olmaqla müxtəlif ölkələrin səlahiyyətli mülki aviasiya orqanları ilə fəal əlaqə saxlamaq və digər ölkələrlə birbaşa uçuşların sürətlə bərpa olunmasına kömək etmək üçün əlindən gələni edir.
Çin Azərbaycanla əlaqələrin inkişafına böyük əhəmiyyət verir. Birbaşa uçuşların epidemiyadan əvvəlki səviyyələrə qaytarılması Çinin iki tərəf arasında kadr mübadiləsinin daha da asanlaşdırılmasına və müxtəlif sahələrdə əməkdaşlığın dərinləşdirilməsinə müsbət münasibətini tam nümayiş etdirir. Çin Azərbaycanın müxtəlif sahələrdə fəaliyyət göstərən qurumlarını, müəssisələrini və ayrı-ayrı şəxslərin Çinə səfər etmələrini, təhsil almalarını, sərgilərdə iştirak etmələrini və işgüzar danışıqlar aparmalarını səmimiyyətlə qarşılayır.
Çin Azərbaycanla “Bir kəmər, bir yol”un tikintisinin ikinci onilliyinin daha yüksək səviyyəyə keçməsi üçün iki ölkə və onların xalqları arasında dostluğu, əməkdaşlığı, qarşılıqlı fayda və münasibətləri gücləndirmək üçün əməkdaşlıq etməyə hazırdır”, – səfirliyin məlumatında deyilir.

-
Jurnal2 il əvvəl
Bazardüzü — Azərbaycanın ən hündür dağ zirvəsi
-
Səyahətçilər3 il əvvəl
Rəna Kərimova
-
Xəbərlər4 il əvvəl
Dünyanın ən hündür 2-ci zirvəsi qışda fəth edildi
-
Jurnal2 il əvvəl
Zəfər zirvəsi — Zəfər Azərbaycanındır!
-
Səyahətçilər3 il əvvəl
Orxan Rzayev
-
Səyahətçilər3 il əvvəl
Yeganə Cansail
-
Jurnal2 il əvvəl
Şahdağ zirvəsi
-
Xəbərlər4 il əvvəl
Dübrar zirvəsindən VİDEOREPORTAJ — Xızı dağları