Çinin cənubunda sərnişin təyyarəsi qəzaya uğrayıb

Çinin cənubunda “Boeing-737” sərnişin təyyarəsi qəzaya uğrayıb.

Çinin Mülki Aviasiya İdarəsi 132 nəfəri daşıyan sərnişin təyyarəsinin Çinin cənubunda qəzaya uğradığını təsdiqləyib.

“China Eastern Airlines” şirkətinə məxsus “Boeing 737” təyyarəsi Kunminq-Quançjou reysini həyata keçirərkən Vuzhou səmasında əlaqədən kəsilib. Təyyarənin qəzaya uğradığı təsdiqlənib”, – nazirliyin açıqlamasında bildirilir.

Təyyarədə 123 sərnişin və 9 ekipaj üzvü olduğu dəqiqləşib. Hadisə yerinə Mülki Aviasiya Administrasiyasının işçi qrupu göndərilib.

Global Times-ın məlumatına görə, qəzaya uğrayan laynerə 25 yanğınsöndürən maşın və 117 xilasedici hərəkət edib, lakin qəza dağlıq ərazidə baş verdiyi üçün yanğınsöndürənlər həmin yerə piyada getməli olublar.

Təyyarənin qəzaya uğraması barədə Çin mediası xəbər yayıb. Onların sözlərinə görə, axtarış-xilasetmə işləri davam etdirilir. Qəza yerində meşə yanğını başlayıb və sonradan yanğın söndürülüb.

View this post on Instagram

A post shared by BURDAN BURA® (@burdanbura.az)