Dağda itmiş Hindistanlı turist haqqında son məlumat

Dağda itmiş hindistanlı turist haqqında daha əvvəl məlumat vermişdik.

Toğrul Cəfərov və dostları hazırda Zaqatala rayonunda yerləşən Honzoqor dağında, Şamilovka yaylağındadılar. Onun dediyinə görə sıx duman var, görüş məsafəsi çox azdır. Ərazidə polis əməkdaşları, yerli sakinlər və ekologiya (+qoruq) əməkdaşları da var.

Əsas axtarış tədbirləri sabah olacaq. Əlaqədar qurumların əməkdaşları ilə yanaşı yerli sakinlər də əraziyə gələcək. Bakıdan gəlmək istəyənlər onlarla birlikdə yuxarı qalxa bilər. Yuxarıya maşınlarla qalxacaqlar. Sabah 8-9 radələrində dağda toplanıb böyük dərəyə giriləcək.

Bu günə kimi polis, yerli sakinlər və ekologiya əməkdaşları ehtimal olunan iki dərəni axtarıblar. Sabah isə ən böyük dərə axtarılacaq.

Ərazi həddən artıq böyük, relyef isə olduqca sərtdir. Ağacların yarpaqlanması görüntünü nisbətən məhdudlaşdırır. Çalışacağıq ki, sabah bir nəticə olsun İnşaallah.

Qeyd edək ki, Bundan əvvəl ayrı-ayrı vaxtlarda Zaqatalada dağda itmiş iki şəxs 9 gün sonra sağ-salamat tapılmışdır.

Mənbə və foto: Toğrul Cəfərov