Dünyanın ilk dəniz arxeoloji parkı Maltada açılacaq

Malta, Aralıq dənizi arxipelaqı və dünyanın ən yaxşı dalğıc məkanı Tower Wreck Deepwater Arxeoloji Parkını işə salır.

Öz növünün ilki olan bu qabaqcıl arxeoloji park Malta Hava Limanının Vəqfi və Heritage Malta tərəfindən yaradılıb. Bu yaz istifadəyə verilməsi planlaşdırılır. Yeni sualtı park Qozo adasının cənub-qərb hissəsindəki Xlendi körfəzində yerləşir.

İlk dəfə 1993-cü ildə kəşf edilib. 67000 kvadrat metr (təqribən 42 mil) ərazini əhatə edir. Bu dəniz arxeoloji parkı beynəlxalq tədqiqatçılara və texniki dalğıclara Maltanın tarixini tamamilə fərqli dəniz arxeoloji perspektivindən araşdırmaq imkanı verəcək. Dəniz parkı təxminən 2300 il əvvələ aid amfora qablar kimi minlərlə qədim artefaktı və sönmüş mərcan riflərinin əmələ gətirdiyi qayalı çıxıntılar təbii irsini nümayiş etdirəcək.

Bu da maraqlıdır: Distant işləmək üçün ən yaxşı ölkələrin adı açıqlanıb

Malta Hava Limanı Fondunun sədri Josef Formosa Gauci qeyd edibki, “Sualtı Malta veb-saytı vasitəsilə fond eyni zamanda bu layihəni dalğıc, tədqiqatçı olmayan, lakin Malta adaları haqqında daha çox öyrənmək istəyən insanlara yaxınlaşdırmaqda Heritage Malta-ya dəstək verməyə ümid edir”.

Heritage Malta-dan professor Timmi Qambin deyib: “Mən Dəniz Arxeoloji Parkını işə salan komandanın bir hissəsi olmaqdan çox qürur duyuram. Heritage Malta, Malta Universiteti və Mədəni İrs Təşkilatı ilə birlikdə dünyadakı insanların böyük əksəriyyəti üçün görünməyən unikal yeri yüksək qiymətləndirirəm. Malta Hava Limanı Fondunun dəstəyi sayəsində bu iddialı və çətin layihə konsepsiyadan reallığa çevrildi”.

Sualtı Malta

Sualtı Malta veb-saytı adaların sualtı arxeoloji ərazilərinin virtual muzeyi olan 360 dərəcə videolar, şəkillər və 3D modellər vasitəsilə dəniz arxeoloji sahəsini hamı üçün əlçatan edəcək. Sayt dənizin dibindəki arxeoloji parkdan bəzi eksponatlar və videolar olan kiçik bir muzey olacaq. Nazir Bonnici deyib: “Bu virtual muzey vasitəsilə daha çox insan sualtı mədəni irsimizi kəşf edə və dənizlərimizdəki unikal yerləri qiymətləndirə biləcək”.