Xəbərlər
Everest zirvəsini fəth edən ilk azərbaycanlı qadın
19 may 2023-cü il tarixində azərbaycanlı qadın Elmira Aslanova dünyanın ən hündür zirvəsi Everestə qalxmağı bacarıb.
19 may 2023-cü il tarixində azərbaycanlı qadın Elmira Aslanova dünyanın ən hündür zirvəsi Everestə qalxmağı bacarıb. O, Everestin zirvəsinə qalxan ilk azərbaycanlı qadın olaraq ölkənin tarixinə düşüb.
Bu da maraqlıdır: Azərbaycanlı dağçı qadınlar Kilimancaro dağını fəth etdi
Burdan Buranın məlumatına görə, Elmira Aslanova sosial media hesablarında paylaşım edərək qeyd edib: “Everestin zirvəsinə qalxmağı bacaran ilk azərbaycanlı qadın oldum. Çox xoşbəxtəm və bununla qürur duyuram. Bu səhər mən hələ də Everest baza düşərgəsində idim, indi isə Katmandudayam. Hər dəqiqə bunun həqiqət olduğunu daha çox dərk edirəm. Baxmayaraq ki, bütün bunları yaşaya bildiyimə hələ də inana bilmirəm.
Daha sonra bir aya yaxın davam edən ekspedisiya ilə bağlı bütün emosiya və hekayələrimi paylaşacağam. Bu gün isə sadəcə olaraq bu xəbəri sizinlə bölüşmək istəyirəm ki, siz də mənimlə sevinəsiniz. Everest çox gözəldir”.
