“Happy Caravan Day” tədbirindən maraqlı FOTOLAR

19 iyun tarixində, iki həftədən çoxdur ki, gözlənilən “Van Life Azerbaijan” -nın “Happy Caravan Day” tədbiri baş tutdu. Qonaqlar işıqlara boyanmış karavan ətrafında möhtəşəm bir gün keçirtdi.

Tədbirin izləyicilərini əvvəlcə Şahin Əlizadə, daha sonra isə Cavidan Fatihi öz canlı musiqiləri ilə feyziyab etdi. Gedişatda meydana “Talpa oyunları” da daxil olaraq əyləncəyə öz oyunlarını qatdı. İştirakçılar komandalara bölünərək qalib olmaq üçün əylənərək mübarizə apardı.

Tədbirin təşkilatçısı Tərxan Tərlanzadə deyir ki, “Tədbir gözləntilərimin daha üst səviyyəsində oldu. 1 günlüyünə həyata ara verib, doyunca əyləndik. Əminəm ki, 19 iyun 2021-ci il tarixi, iştirak edən şəxslərin təqviminə gözəl bir gün olaraq əlavə olundu”.