İsrafil Aşurlı “Broad Peak”ə çıxan ilk azərbaycanlı oldu

Azərbaycan alpinizmində tarixi məqamlardan biri baş verib. Tanınmış alpinist İsrafil Aşurlı Broad Peak (8051m) zirvəsini fəth edib. O, adı çəkilən zirvəyə çıxan ilk azərbaycanlı oldu.

İsrafil Aşurlı bu gün (23 iyul) Bakı vaxtı ilə saat 12:15-də Broad Peak-in zirvəsini fəth edib. O, bu məlumatı bu gün saat 13:00 radələrində baza düşərgəsinə ötürüb. Alpinistimizi təbrik edir və sağ-salamat eniş arzulayırıq!