İsveçə daxil olmaq üçün artıq mənfi covid testi tələb olunmur

İsveç mənfi PCR testi üçün giriş tələbini aradan qaldırır.

Yanvarın 21-dən İsveçə gələn peyvənd edilmiş əcnəbilər daha COVID-19 üçün neqativ testdən keçməyəcəklər.

“Bu gün hökumət 28 dekabr 2021-ci il tarixinədək qüvvədə olan giriş məhdudiyyətlərinə qayıtmaq qərarına gəlib. Bu o deməkdir ki, ölkəyə girişdən 48 saat əvvəl mənfi COVID-19 testinin təqdim edilməsi ilə bağlı xüsusi tələb ləğv edilir”, – hökumətin bəyanatında deyilir.

Bu cümə günündən etibarən krallıq sərhədlərini Monteneqro, Tailand, Tunis və Uruqvayın peyvənd olunmuş vətəndaşları üçün də açır.

İsveç səlahiyyətliləri, səyahət edənlərin koronavirusun omikron ştammını yayma riski az olduğuna inanırlar.