Kilimancaro dağında yüksək sürətli internet mövcuddur

Kilimancaroya yüksək sürətli Wi-Fi gəldi. Tanzaniya Telekommunikasiya Korporasiyası çərşənbə axşamı 12,200 fut yüksəklikdə genişzolaqlı şəbəkəni işə saldı. Bu, dağın aşağı üçdə ikisini əhatə edir, lakin rəsmilərin dediyinə görə, ilin sonuna qədər, sürətli internet əlaqəsi zirvəyə qədər uzanacaq.

Tanzaniya rəsmiləri deyirlər ki, internet xidməti həm alpinistlərin, həm də yük daşıyanların təhlükəsizliyini xeyli artıracaq, çünki onlar lazım olduqda kömək çağıra biləcəklər. Bəzi dırmanma mütəxəssisləri, texnologiyadan həddən artıq asılılığın daha çox ziyarətçini riskə atacağı barədə xəbərdarlıq edib. Onlar telefonlarında naviqasiyadan istifadə edərək dırmaşan insanların problemlə üzləşə biləcəyinə işarə edirlər.

Sönmüş vulkan olan Kilimancaro ölkənin ən mühüm gəlir mənbəyidir. Tanzaniya hökuməti bu yaxınlarda dağın cənub tərəfi boyunca zirvəyə kanat yolu çəkməyi planlaşdırdığını da açıqlamışdı. Bu, həm ekoloqlar, həm də dırmanma ictimaiyyəti arasında qəzəb doğurmuşdu.

Hər il təxminən 35.000 insan dağın zirvəsinə qalxmağa çalışır. Himalay dağları qədər çətin olmasa da, yüksəklik və küləklər zirvəyə çatmağı çətinləşdirə bilir.