Kilimancaro dağını fəth edən dağçılar vətənə geri dönüb

Kilimancaro 2023 ekspedisiyasını uğurla başa vuran dağçılar Sima Səfərova və Mina Əliyeva vətənə geri dönüblər.

28 mart səhər saat 7:00-da -8 dərəcə hava şəraitində 5 saata, ümumi olaraq isə 5 günə Kilimancaro dağının ən yüksək – Uhuru zirvəsini fəth edərək Azərbaycan bayrağını dalğalandıran dağçılar aprelin 5-i günorta saatlarında vətənə dönüblər.

Onları Heydər Əliyev adına Beynəlxalq Hava Limanında dağçılar Nurlan Xudazarov, Nima Şahməhəmmədi, onun həyat yoldaşı Ülkər Hacıyeva və yaxınları qarşılayıblar.