“Rebuild Karabakh” sərgisi start götürüb

Oktyabrın 20-də Bakıda “Qarabağın bərpası, yenidən qurulması və inkişafı” adlı ilk beynəlxalq sərgi açılıb.

Sərginin məqsədi işğaldan azad edilmiş ərazilərin bərpası və yenidən qurulması prosesinin səmərəliliyini artırmaq, bu istiqamətdə dövlət-özəl tərəfdaşlığını gücləndirmək, bölgənin inkişafı üçün ən cəlbedici və təsirli məhsulları, layihələri və həll yollarını nümayiş etdirməkdir.

Azərbaycanın bir çox dövlət strukturları və özəl şirkətləri sərgi iştirakçıları arasında təmsil olunur.

Sərgidə “yaşıl enerji”, “ağıllı kənd” layihələri, həmçinin işğaldan azad edilmiş ərazilərdə su ehtiyatlarının və su qurğularının bərpası, mühafizəsi və səmərəli istifadəsi layihələri, yeni hava limanları və bir çox digər layihələr təqdim olunub.

3 gün ərzində sərgiyə gələnlər 17 ölkədən 279 şirkətin məhsulları ilə tanış ola biləcəklər. “Burdan Bura” sərgidən fotoları təqdim edir.

Fotolar: Teymur Məmmədov