Tailandda turizmin inkişafı üçün marixuana becərilməsinə icazə verilib

Tailand sakinlərinə rəsmi olaraq evdə marixuana yetişdirmək və məhsulu satmaq icazəsi verilib. BBC-nin məlumatına görə, Tailand, Cənub-Şərqi Asiyada buna icazə verən ilk ölkədir.

Krallığın hökuməti ümid edir ki, marixuana ticarət, kənd təsərrüfatı və turizmin inkişafına dəstək verəcək. Səlahiyyətlilərin çətənə yetişdirilməsini stimullaşdırmaq üçün ölkə vətəndaşlarına bir milyon ting paylamaq planları var.

İyunun 9-dan taylar evdə 6 dibçəyə qədər marixuana yetişdirə bilər, lakin bunun üçün rəsmi qeydiyyat tələb olunur. Şirkətlər müvafiq icazəni aldıqdan sonra marixuananın yayılması ilə də məşğul ola bilərlər.

Eyni zamanda, marixuananın ictimai şəkildə çəkilməsi qadağandır: bu, həbs olunma təhlükəsi olan ictimai asayişin pozulması kimi qiymətləndiriləcəkdir. Maddənin tibbi istifadəsi də qanunsuz olaraq qalır.