Yaponiyada 7000 yeni ada kəşf edilib

Yaponiyanın Geoməkan İnformasiya Administrasiyasının (GSI) xəritəçəkmə üçün istifadə etdiyi ən müasir rəqəmsal texnologiya sensasiya yaradıb.

Yaponiyada hazırda 14 125 ada var. Bu, əvvəlki saydan iki dəfə çoxdur. Yaponiya Sahil Mühafizəsinin 1987-ci il hesabatına görə, ölkədə 6852-dən çox ada var idi.

Bu da maraqlıdır: Yaponiya limanlarını beynəlxalq kruiz gəmiləri üçün açır

Yeni rəqəm bugünkü geodeziyanın mükəmməl texnoloji üstünlüklərinin və hesablama üçün istifadə olunan xəritələrin maksimum dərəcədə detallı olduğunun sübutudur. Bu rəqəmlərə baxmayaraq Yaponiyaya məxsus torpaqlar ümumi sahəsini dəyişmir.

Mütəxəssislər izah edirlər ki, adaların düzgün hesablanması ilə bağlı beynəlxalq standart yoxdur, ona görə də yaponlar 35 il əvvəlki sorğuda olduğu kimi eyni kriteriyalardan istifadə ediblər. Ətrafı ən azı 100 metr olan bütün təbii torpaq sahələri hesablanıb. Eyni zamanda, süni şəkildə yaranmış torpaqlar nəzərə alınmayıb.