Yunanıstan turizm mövsümünün başlama tarixini açıqlayıb

Yunanıstan hakimiyyəti turizm mövsümünün başlama tarixini açıqlayıb və onu dekabr ayına qədər uzatmaq niyyətindədir.

Yunanıstanda 2022-ci ildə turizm mövsümü ən erkən vaxtda başlayaraq rekord qıracaq. ATOR xəbər verir ki, Hellas kurortlarına ilk çarterlər martın əvvəlində uçacaq.

Hakimiyyət son iki pandemiya ilinin itkilərini mümkün qədər geri qaytarmaq niyyətindədir. Martın əvvəlində Yunanıstan Almaniyadan ilk çarterləri qəbul edəcək, turizm naziri Vassilis Kikilias bildirib. Martın 27-dən isə Rodosa həftədə 40-dan çox turist reysi uçacaq.

Rəsmilər 2022-ci il turizm mövsümünün dekabr ayına qədər uzadılması üçün mümkün olan hər şeyi etmək niyyətindədirlər.

Nazir bildirib ki, yay üçün Yunanıstanın hava limanlarında bronlaşdırma həcmi və hava yollarına müraciətlər bütün proqnozları üstələyir. Ölkə Avropa ölkələrindən, eləcə də ABŞ-dan bir neçə milyon turist gözləyir.