Azərbaycanda Erasmus+ tədbiri keçiriləcək

Səyahət blogerləri Ayşən və Röyal İsmayılovlar Azərbaycana gəlmə səbəblərini açıqlayıblar. Onların əsas səbəblərindən biri Azərbaycanda Erasmus+ tədbirlərini təşkil etməkləridir. Səyahətçilər bu tədbir üçün çox çalışıb və bacardıqlarını bildiriblər. Onlar 18 ölkədən 100 gənci ölkəmizə gətirir.

“Çox sevinirəm ki, hər zaman ağız dolusu danışdığımız Vətənimizi artıq realda göstərmək şansımız olacaq. Mədəniyyətimizi, tariximizi, mətbəximizi, qonaqpərvərliyimizi, milli-mədəni dəyərlərimizi gəlin dünyaya çatdıraq. Bu həssas dönəmdə bu tədbiri təşkil eləmək çox çətindir…Amma, bacaracağıq! Tədbir müddətində komandamızda bizə dəstək göstərən, kömək edən gənclər axtarırıq. Gəlin Azərbaycanımızı gözəl tanıdaq!” – deyə onlar qeyd edib.