Azərbaycanlı səyahətçilər Ukraynadan çıxa bilib

Azərbaycanlı səyahətçilər Baba Ağayev və İbrahim Süleyman 23 fevral iş ilə əlaqədar Ukraynanın Lvov şəhərinə səfər etmişdilər. Onlar ölkəyə girdikdən 2 saat sonra fövqəladə hal elan edilib və Ukraynanın hava məkanı bağlanıb.

Bir müddət sonra onların Fevralın 26-a olan geri uçuşları da ləğv edilib. Səyahətçilər iki dəfə Polşa sərhədini keçməyə çalışsa da alınmayıb və geri qayıdıblar. Nəhayət onlar bu gün “Rava-Ruska” sərhəd keçid məntəqindən Polşaya keçə biliblər.

“Biz ölkədən çıxdıq, amma ürəyimiz geridə – Ukraynada qalan yüzlərlə azərbaycanlı və Ukrayna xalqı ilədir. Tezliklə həm müharibənin, həm Putin tiranlığının bitməsi ümidilə!” Baba Ağayev öz sosial media hesabında qeyd edib.