DTA və ATB nümayəndələri Naftalanda olublar

Azərbaycan Turizm Bürosunun baş icraçı direktoru Florian Zenqstşmid, Destinasiyalarla iş sektorunun müdiri Don Taylor, DTA-nin Regional turizm inkişafı sektorunun müdiri Elgün Cavadov, ATB-nun turizm məhsulu sektorunun müdiri Şərifə Həsənova, Gəncə Destinasita Menecment Təşkilatının direktoru Zaur Bayramov və digər məsul əməkdaşlar Naftalan ŞİH-də olublar.

Qonaqlar Naftalanda turizm informasiya mərkəzinin və veloturlar və velosiped kirayəsi dayanacağında son tamamlama işlərinə baxış keçiriblər. Həmçinin, şəhərdə quraşdırılmış yerli və xarici turislər üçün yeni istiqamətverici turizm məlumat nişanları ilə, eləcədə layihəsi planlaşdırılmış amfiteatrın qurulacağı əraziylə tanış olublar.

Daha sonra ATB və DTA-nın əməkdaşlarının maraqlarına səbəb olmuş Naftalanda qədim tunc dövrünə aid olan Qalaboynu adlandırılan çox təbəqəli yaşayış yerində də oldular. Naftalanın dünyada analoqu olmayan şəfaverici nefti ilə yanaşı həm də böyük arxeoloji turizm potensialına malik olması qonaqların diqqətinə çatdırılmışdır.