Məşhur xizəkçi Manasluda ölü tapılıb

ABŞ-dan olan dünya şöhrətli xizəkçi alpinist Hilari Nelson Manasluda qar uçqunundan sonra ölü tapılıb, hökumət rəsmisi xəbəri təsdiqləyib.

Bu mövsüm Manaslu ekspedisiyasına təyin olunmuş əlaqə zabiti Saçindra Kumar Yadav OnlineKhabar-a bildirib ki, xilasedicilər onun cəsədini uçqundan iki gün sonra çərşənbə günü səhər tapıblar.

Yadav deyir ki, onun cəsədi endirilir və hadisə ilə bağlı hesabat hazırladıqdan sonra bu gün günortadan sonra Katmanduya göndəriləcək.

Bildirilir ki, “North Face” idmançısı qar uçqunu dağa düşən zaman zirvədən xizəklə aşağı enirmiş.