Tayvanlı qadın alpinist K2 qış ekspedisiyası üçün artıq Pakistandadır

Tayvandan olan alpinist Qreys Tseng dünyanın ikinci ən hündür zirvəsi olan K2-ə qış ekspedisiyası üçün komandası ilə birlikdə Pakistanın Skardu şəhərinə gedib.

Xəbər verdiyimiz kimi, 2021-ci ilə qədər səkkiz minlik dırmaşma təcrübəsi olmayan 28 yaşlı alpinist onların hamısına dırmaşmaq qərarına gəlib və bunu mümkün qədər tez həyata keçirmək istəyir.

Onun məqsədi K2-i qışda fəth edən və bütün 8000-lik zirvələrə ən qısa vaxtda qalxan ilk qadın olmaqdır.

Plan, Oksigen və Şerpaların köməyindən istifadə edərək standart marşrut üzrə K2-ə qalxmaqdır. Ekspedisiyanın təşkilatçısı “Dolma Expeditions”dır. Qreys komandanın yeganə müştərisi olacaq.

Yanvarın 16-da Nepallı Şerpa alpinistlərin daxil olduğu Qreys Tseng komandası Gilgit-Baltistan bölgəsinin ən böyük şəhəri olan Skardu şəhərinə gəldi, buradan ekspedisiyanın ilk hissəsi başlayacaq: Askoleyə cip transferi və sonra baza düşərgəsinə təxminən 7 günlük yürüyüş.

Qreys Tsengdən başqa komandaya daxil olan Şerpalar aşağıdakılardır:

Nima Gyalzen Sherpa
Chhiring Sherpa
Ngima Tendi Sherpa
Furu Sherpa
Ningma Dorje Tamang
Dawa Sherpa