“The Book of Azerbaijan” layihəsinin kitabı çap olunacaq

“Gələn il The Book of Azerbaijan layihəsini çap formasında görə biləcəyik” – bu sözləri Söhbətgah podkastının qonağı olmuş fotoqraf Orxan Aslanov “Azərbaycanda turizm” mövzusu ətrafında söhbət edərkən deyib. Bundan əlavə olaraq, fotoların sərgi şəklində də nümayiş olunacağı gözlənilir.

Layihədə bir neçə fotoqraf işləyir və onların hamısı Azərbaycan fotoqraflarıdır.

O söhbət əsnasında aparıcılar Dj Tural və Əli Xəyyam kitabda yayımlanacaq bir neçə şəkli göstərib. Onlar fotolara baxaraq möhtəşəmlikdən təəccübləniblər.

Qeyd edək ki, verilişin tam versiyasını “Söhbətgah” “Youtube” kanalında izləyə bilərsiniz.