Böyük Çin səddinin bir hissəsi uçub

Çinxay əyalətində baş verən zəlzələ nəticəsində Böyük Çin səddinin təxminən iki metrlik hissəsi uçub.

Bildirilir ki, şənbə günü şimal-qərb Qansu əyalətinin Şandan qraflığında 6,9 bal gücündə zəlzələ baş verib.

Əraziyə baxış keçirdikdən sonra səlahiyyətli şəxslər dağıntı yerində dayaqlar quraşdırıb, təmir-bərpa işlərinə başlayıblar.

Zəlzələ əhalinin az məskunlaşdığı ərazidə baş verib, lakin təkanları bəzi böyük şəhərlərin sakinləri hiss ediblər.

Ölənlər barədə məlumat verilməyib, lakin 9 nəfər xəsarət alıb, onlardan səkkizi artıq xəstəxanadan buraxılıb, biri isə hələ də həkim nəzarətindədir.

Böyük Çin səddinin dağılmış hissəsi Ming İmperiyası (1368-1644) dövrünə aiddir.

Mənbə: Global Times